طريقة عمل الكبة الشامية

طريقة عمل كبة مقلية شامية بالصور

الكبة المقلية من اشهر المقبلات الشامية
لذيذة ومنظرها يفتح النفس
نبدأ البخطوات
العجين ((كيلو برغل+نصف كيلو لحمة هبرة مفرومة+بصلة+بهارات عبارة عن ملح كمون وفلفل اسود))
الطريقة نفرم اللحم بماكينة الفرم المتوفرة عندج لدرجة تصير مثل العجينة كما بالصورة

تنقعي البرغل بماء يغطيه لمدة ربع ساعة او حتى يشرب الماي اللي منقوع بيه وتفرميه مع اللحم على مراحل هنا ماحطينا بصل نسينا هههه حطوها انتو موتنسوووون

ولما تخلصون فرمها هي والبرغل حطو عليها رشة من الكمون والملح والفلفل الاسود واعجنوهم حيطلع لون العجينة وردي فاتح

وسوو الحشو عبارة عن
((نصف كيلو لحم مفروم+ بصلتين مفرومين+ لوز مسلوق ومقشر ومسوا شرايح+ بهارت عبارة عن رشة لكل من الزنجبيل والقرفة والفلفل الاسود والكمون والملح او اي مطيبات تحبون تضيفوها عاللحم ))
نحمس البصل ولما يصير اشقر نظيف اللحم ونحرك حتى تنظج ونيف اللوز وبالاخير نتبل بالبهارات

وهسة ابدءو قرصو الكبايات حاااولت اسويها مثل شكلها الاصلي بس ماكدرت الضاهر شغلة خبرة ^_^

وتسويلكم كمية تكفي 10 اشخاص اصلا هي الكباية الوحدة تشبببع

حضرو مقلاة بيها زيت غزير وساخن واول ما تحطون الكبايات وطوه واشتغلو عالواطي حتى يستوي العجين زين واللحم اللي بيه هم ومن تحمر قربوها وابقو قلبو حتى تصير مقرمشة ومستوية كلش

طلعوها وصفوها بمقلاة من الزيت الزايد وقدموها بالف عااافية

» طريقة عمل طبق العاشوراء
» طريقة عمل كيك الشوكولاته
» طريقة عمل بلح الشام
» طريقة عمل صوص الشوكولاته
» طريقة عمل كيك المانى